စိတ်နဲ့ ချည်တဲ့ကြိုးတွေ…..

အဲဒီလိုနဲ့ ပဲ  ကြယ်ကလေးတစ်စင်းဟာ  ကျနော့်ဆီကို  ရုတ်တရက်ပဲ  ရောက်ရှိလာခဲ့တယ်။ အဲဒီလိုပြောရင် မမှန်နိုင်ဘူး။  ကျနော်ဟာ  တစ်နေ့မှာ ကျနော့်ရဲ့ကြယ်ကလေးကို  အံ့သြငေးမောနေခွင့်  ရခဲ့ရတယ်။ တစ်ကယ်က  ကျနော်ဟာ ကြယ်ကလေးရဲ့  တုန့် ပြန်မှုကို  မျှော်လင့်မထားမိဘူး။ မျှော်လင့်မထားမိဘူးဆိုတဲ့  စကားက  အလုံးစုံမမှန်ဘူး။ တစ်ကယ့်အစစ်အမှန်က  မမျှော်လင့်ရဲတာ။  ကြယ်ကလေးဟာ  ကျနော်နဲ့  သိပ်ဝေးလွန်းတဲ့  ကောင်းကင်မှာ ရှိနေခဲ့တာကိုး။

တစ်ကယ်တော့  ကျနော်ရူးသွပ်သွားခဲ့ရတာ  ကြယ်ကလေးရဲ့အလင်းရောင်တွေကြောင့်ပါ။ အလင်းရောင် ဆိုရာမှာ  တောက်ပလွန်းနေတဲ့  ကြယ်ကလေးရဲ့ကိုယ်ရောင်ကိုယ်ဝါတွေကို  ပြောချင်တာ မဟုတ်ဘူး။ ကျနော့်အပေါ်  ရုတ်ချည်းဖြာကျလာခဲ့တဲ့  နွေးထွေးတဲ့  ရောင်စဉ်တန်းတွေကို  ပြောတာ။  နွေးထွေးနေတဲ့  ကြယ်ကလေးရဲ့အလင်းရောင်အောက်မှာ  ကျနော်နဲ့   မထိုက်တန်မှန်းသိလည်း  နေနိုင်ခွင့်ရသလောက် နေချင်ခဲ့မိတယ်။ ကြယ်ကလေးကို  ငေးမောကြည့်နေခွင့်နဲ့ ပဲ  ကျနော့်အတွက်တော့  ကမ္ဘာဟာ လုံခြုံအေးမြလာခဲ့ရတယ်။

ကြယ်ကလေးကပြောတယ် ဒါဟာကျနော်အမြဲမရနိုင်တဲ့အရာတဲ့။ ခဏတစ်ဖြုတ်ပဲ  ပိုင်ဆိုင်ရမယ့်အရာတဲ့။  ကြယ်ကလေးကို  ရူးသွပ်စေမိတဲ့အထဲမှာ အဲဒီအဖြောင့်ဆန်မှုတွေလည်း  ပါတယ်ဆိုတာကို  တစ်ယောက် ယောက်  နားလည်အောင်  ဘယ်လိုရှင်းပြရမှန်း  ကျနော်မသိဘူး။ လောကကြီးရယ် လူတွေရယ်ရဲ့  ကွေ့ကောက်မှု တွေကို  ငြီးငွေ့စိတ်ကုန်နေခဲ့တဲ့  ကျနော်ဟာ ကြယ်ကလေးရဲ့ရိုးဖြောင့်မှုကို ကြုံတွေ့ ရတော့  သိပ်ပြီးထူးဆန်းနေခဲ့မိတယ်။ လောကကို  အပေါ်ကနေစီးကြည့်နေနိုင်တဲ့  ကြယ်ကလေးဟာ ဒီထက်တော့  ဝံ့ကြွားမှာပဲလို့   ကျနော်ကထင်ခဲ့မိတာ။

မယုံနိုင်စရာပဲ  ကြယ်ကလေးဟာ ဖြူစင်လိုက်တာ။ ကျနော်က  လူတွေကိုမုန်းတယ် အဖြောင့်ဆန်လို့  မရလို့   လို့ ဆိုတော့  ကြယ်ကလေးကပြောတယ် လူဟာလူလောက်ပဲ  ရှိမှာပေါ့တဲ့။ ပြောရရင်တော့  ကြယ်ကလေး ကို  စွဲလန်းရတဲ့အချက်တွေထဲမှာ  နွေးထွေးမှုရယ်၊ ရိုးဖြောင့်မှုရယ် အဲဒီနှစ်ခုက  အဓိကပါပဲ။  ကြယ်ကလေး  ကိုမေးရင်  ဘယ်အချိန်မဆို  အမြဲအမှန်အတိုင်းဖြေတယ်။  လူသားတွေညာတာ ကြုံရတော့  သူလည်း  လူသားတွေကို  အဲဒါကြောင့်ပဲ  မုန်းတာလို့   ပြောတယ်။

"ငါတို့ ဘယ်ရထားမှာ  လွဲခဲ့လဲ
တစ်ခါလွဲရင်  နှစ်ပေါင်းဘယ်လောက်ကြာတတ်လဲ"
( အောင်ချိမ့် )

အဲဒီမှာ  ကြယ်ကလေးနဲ့ကျနော့်ရဲ့ကြားတွယ်ယှက်ထားတဲ့  စိတ်ဝိညဉ်ဟာ  ဘယ်လောက်နက်ရှိုင်းတယ်  ဆိုတဲ့အကြောင်းကို ကျနော်သိသွားတယ်။  ကျနော်တို့ ကြားမှာ  တူညီတဲ့  စိတ်ခံစားမှုတွေက  ကျနော်တို့ ကို တွယ်ယှက်ထားနေကြတာ။ ဒါပေမယ့် ဒီအကြောင်းကို သူရောကျနော်ပါထုတ်ဖော်မပြောဖြစ်ကြဘူး။ ကြယ်ကလေးက  သူ့ကိုယ်သူပြန်ထိန်းချုပ်နေတယ် ။ ကျနော်ကတော့  ကြယ်ကလေးကို  ငေးမြဲအတိုင်းပဲ  ငေးကြည့်နေတယ်။ အချိန်တန်ရင်ကွယ်မယ့်အလင်းရောင်ရယ် ၊ အချိန်တန်ရင် ကြွေမယ့်ကြယ်ရယ် ။ ကျနော်နဲ့ကြယ်ကလေးဟာ  တစ်ကယ်က  အဝေးကြီးကို  ဝေးကွာလွန်းလှပါတယ်။

ကြယ်ကလေးရဲ့အလင်းရောင်ကိုတွေ့ပြီးကတည်းက  ကျနော့်မှာ စိတ္တဇတစ်မျိုးစွဲကပ်လာခဲ့တယ်။ အိပ်မက်က  လန့် နိုးတဲ့အခါ  ကျနော့်ကြယ်ကလေး   ပျောက်သွားမှာပဲဆိုပြီး တရေးနိုးရင်တောင်  ကျနော့်မှာ ကျနော့်ကြယ်ကလေးရှိနေသေးရဲ့လားလို့   အမြဲထထကြည့်နေရတာ။ အထွေအထူးတော့  မရှိပါဘူး။  ကျနော့်အနေနဲ့   ကြယ်ကလေးကိုလိုအပ်တယ်ဆိုတာ  သူ့ကိုမြင်နေရတာနဲ့   တန်ဖိုးကြီးလှပြီ။

ခက်တာက  မေတ္တာတရား အကြောင်းကို  သူရောကျနော်ပါ  မယုံကြည်ကြပြန်ဘူး။ ဒါပေမယ့်လည်း  စိတ်ဟာ နှောင်တွယ်နေမိပြီဆိုတာကို  နှစ်ယောက်လုံး   သိသိသာသာ  ခံစားနေကြရတယ်။  "ကဲ  ဘယ်လိုလုပ်ကြ မလဲ"လို့  သူပြောပြီဆိုရင် ဒါဟာ သူ့ ကို ကျနော်  နာကျင်စေမိနေပြန်ပြီဆိုတာကို   သိနေမိပြန်တယ် ။

"တစ်ကိုယ်မှတစ်ကိုယ်နာအောင်ရုန်းကြရ
မခွဲခွာလို့ မှမဖြစ်ဘဲ"
( ခင်ဇော်မြင့် )

မနက်လင်းတဲ့အခါ   ကျနော့်ကြယ်ကလေးကိုတွေ့ရဖို့ ဆိုတာ  ဘဝရဲ့အိပ်မက်တစ်ခုလို  ဖြစ်လို့ လာခဲ့တယ်။ မျှော်လင့်ချက်တစ်ခုလိုလည်း  ဖြစ်လာခဲ့တယ်။ မေတ္တာတရားဟာ  လမ်းမှာ  သိပ်ပြီးအပျောက်အရှများတယ်  ဆိုပေမယ့် ကျနော့်ရဲ့ကြယ်ကလေးဆီကို  ဆိုက်ဆိုက်မြိုက်မြိုက်ရောက်သွားတာ  သိပ်အံ့သြစရာ  ကောင်း တယ် ။  သူကတော့ဒါကို  ရေစက်တွေ ၊ ကံကြမ္မာတွေလို့   ပြောဆိုသုံးနှုန်းလေ့ရှိတယ်။ ချစ်တယ်ဆိုတဲ့ အကြောင်းကို  မလိုအပ်ဖူးထင်တာနဲ့   သူရောကျနော်ပါမပြောဖြစ်ကြဘူး။ ရင်ထဲက  တစ်ချို့အရာတွေက  ရင်ထဲမှာရှိနေရုံနဲ့ လုံလောက်ပါတယ်။

ကျနော်ကတော့  သူ့ ကိုမြင်တွေ့နေခွင့်ရတဲ့နေ့ ရက်တွေကို  ကင်ဆာဝေဒနာရပြီးတဲ့ရက်စွဲတွေပဲလို့   ပြောင်းလဲ  သတ်မှတ်ထားတယ်။  ကင်ဆာဆိုတဲ့  သေမိန့် ချခံရတဲ့အခါဆိုရင်  လောကမှာနေထိုင်ခွင့်ရသမျှ  နေ့ ရက်တွေဟာ  ရွှေရောင်နေ့ ရက်တွေလို့  ကျနော်ထင်တယ်လေ။ သူ့ ကိုမြင်တွေ့ ခွင့်  ဆိုတာလည်း  ကျနော့်အတွက်တော့  တစ်နေ့ကြရင် ဒါမှမဟုတ်လည်း  သိပ်မကြာခင်  ကျနော့်ကောင်းကင်ကနေ  ကြယ်တွေကွယ်ပျောက်သွားမယ်ဆိုတာ  သိနေရတော့  မြင်တွေ့ ခွင့်ရတဲ့  နေ့ ရက်တွေကို သိပ်ပြီး တန်ဖိုးထားမိတယ်။

ကြယ်ကလေးရဲ့ကို  ဖုန်းမျက်နှာပြင်ပေါ်တင်ထားပြီး  မြတ်နိုးစိတ်နဲ့  ပြုံးကြည့်နေမိရင်း  သတိရခြင်းတွေကို  ထုပ်ပိုးလွှတ်မိပြန်တယ် ။  သူ့ ဆီရောက်သလားလို့ဘယ်တော့မှ  မမေးဘူးဆိုတာက  ရောက်မယ်ဆိုတာကို  ယုံကြည်လို့ ပါ။  သူနဲ့ ကျနော်  စိတ်ကို  အရင်းအတိုင်းထားပြီး  ဆက်ဆံကြတော့  ကျနော်တို့ ကြားမှာ ပြောစရာစကားတွေ  အများကြီး  ရှိခဲ့ကြတာ  အံ့သြမယ်ဆို  တော်တော်အံ့သြစရာပဲ။ တစ်ကယ်က  ကျနော့် ကြယ်ကလေးနဲ့ကျနော်ဟာ  သိပ်ပြီး အလှမ်းကွာဝေးလွန်းတယ်။ ကျနော်မတတ်နိုင်တာတွေပဲ  များလွန်းလှပါတယ်။

ကြယ်ကလေးကို  ကျနော်လုပ်ပေးနိုင်တာဆိုလို့   အိပ်မက်တွေအထဲထိအေးချမ်းပါစေလို့   ညစဉ်  ဆုတောင်း ပေးတာရယ်၊ ညနဲ့ နေ့ ကြားမှာ၊ နေ့ နဲ့ ညအကြားမှာ  ကြယ်ကလေး လုံခြုံအေးမြရှိပါစေလို့   အာရုံညွှတ်ပြီး  ဆုတောင်းပေးရုံရယ်ပါ။ စိတ်ကိုစိတ်နဲ့ လှမ်းပြီးချစ်တာမို့   ဘယ်လောကကွာဝေးဝေး  မေတ္တာဟာရောက်ရှိ သွားတယ်  ထင်ပါရဲ့ ကြယ်ကလေးဟာ သူတတ်နိုင်သမျှ ကျနော့်အပေါ်အေးမြရှာပါတယ်။  သေရတော့မယ်  ဆိုရင်တောင်  ပျော်စရာနေ့ရက်တွေ  ပွေ့ ဖက်ယူသွားနိုင်တဲ့အတွက်   ကျနော့်မှာ ပျော်ရွှင်ခဲ့ရတယ်။

ကြယ်ကလေးကိုလည်း  ပျော်အောင်ထားရင်း၊ ကျနော့်ကိုယ်ကျနော်လည်း  ပျော်အောင်နေရင်း   ကျနော်တို့  ကြားကမေတ္တာတရားကို  ကင်ဆာဆဲလ်တွေလို  ပွားများလာစေရမယ်လို့   ဆုံးဖြတ်ခဲ့မိတယ်။ ကျနော်တို့ မှာ  အချိန်တွေအများကြီး  မကျန်နိုင်တဲ့အကြောင်းကို ကြယ်ကလေးကော ကျနော်ပါ သိကြတဲ့ အတွက်  ဝမ်းနည်းမိကြပေမယ့်  ဘယ်လိုမှမတတ်နိုင်ခဲ့ကြဘူးလေ။

ကျနော်ကကျနော့်ကြယ်ကလေးကို   အရိပ်တကြည့်ကြည့်   ကြည့်နေရခြင်းမှာလုံလောက်ခဲ့သလို  ၊ ကျနော့် စိတ်ကသူ့စိတ်ကိုလှမ်းပြီး  အေးမြစေရုံနဲ့အရာရာလုံလောက်ခဲ့ရတာမျိုးပါ။  အဆန်းတကြယ်တွေ မပါခဲ့သလို  ၊ အဆန်းတကြယ်တွေလည်း  မလိုအပ်ခဲ့ပါဘူး။  တစ်ယောက်ကိုတစ်ယောက်  ရှိနေတယ်ဆိုတဲ့ အသိနဲ့ တင်  ကျနော်တို့  တည်ရှိနေမှုကို  ရောင့်ရဲနိုင်ခဲ့ကြတာ။ မေတ္တာတရားဆိုတာမျိုးက  တစ်စုံတစ်ရာအေးမြပါစေလို့   စိတ်ကလှမ်းပြီးညွှတ်ရုံကလေးလို့  သူရောကျနော်ပါ  ယုံကြည်ခဲ့ကြတာကိုး။

"တစ်ခါတလေမှာ
တစ်ချို့လူတွေကိုတွေ့ချင်တာမျိုးမဟုတ်ပါဘူး
သူဘယ်မှာအေးဆေးလုံခြုံစွာရှိနေတယ်ဆိုတာကို
သိယုံလေးသိချင်နေမိတာမျိုးပါ"
( နေထွန်းသိန်း )

တစ်ကယ်တော့ ကြယ်ကလေးဟာ  ကျနော့်ရဲ့  စိတ်ဝိညဉ်ခိုနားရာပါ။ ကြယ်ကလေးကို  အလွန်အမင်း    လွမ်းဆွတ်လာတဲ့အခါတွေမှာလည်း  ငေးကြည့်နေရရုံနဲ့ လုံလောက်ခဲ့ပါတယ်။ ညာဘက်ပါးမှာ  အမာရွတ်  ကလေးတစ်ခုရှိတဲ့  ကြယ်ကလေးရဲ့ပါးကို  သတိရတိုင်းနမ်းမိတဲ့အခါ  ကျနော့်အလွမ်းတွေ  ကြယ်ကလေး  ဆိရောက်သွားမှာစိုးပြီး  ကျနော့်မှာဖွဖွကလေးနမ်းရတယ်။

ကျနော့်ကြောင့်တော့ဖြင့်  ဘယ်လိုနည်းနဲ့မှ  ကျနော့်ရဲ့  ကြယ်ကလေးကို  မလေးလံစေချင်တာပါ။  တစ်ကယ်တော့လည်း  အရာရာမပြည့်စုံတဲ့ကျနော်လိုလူက  ကောင်းကင်ထက်မှာ ပြီးပြည့်စုံလှတဲ့  ကြယ်ကလေးတစ်စင်းကို  လှမ်းပြီးစိတ်ပူနေတယ်ဆိုတာ  လူတွေသိရင်  ရယ်စရာပေါ့။ ဒါပေမယ့်လည်း  ကြယ်ကလေးနဲ့ ပတ်သက်ရင်  ကျနော့်မှာ ဒါပဲတတ်နိုင်ခဲ့တာကိုး။

ခုဆိုရင် ကျနော့်ရဲ့အသက်ဓာတ်ဟာ  ကြယ်ကလေးနဲ့ ချိတ်ဆက်ထားရတယ်ဆိုတာ ကို  ဘယ်သူမှ  မသိကြဘူး။  ကျနော့်မှာ ကြယ်ကလေးကြွေသွားမှာစိုးတဲ့စိတ်နဲ့   အသက်ကလေးကိုဖွဖွလေးခိုးရှိုက်ရင်း  ညညတရေးနိုးရင်တောင်  ကြယ်ကလေးကိုထကြည့်ရတယ်။

စိတ်ကိုဘာနဲ့ ချည်လို့ ရလဲဆိုရင်  စိတ်ကိုစိတ်နဲ့ ပဲချည်လို့  ရတာပေါ့။  မေတ္တာရယ်၊ သံယောဇဉ်ရယ် ၊ နားလည်မှုတွေရယ်ဟာ  ကျနော်နဲ့ ကြယ်ကလေးကိုအခိုင်မြဲဆုံး  တွယ်ယှက်ထားကြလေရဲ့။   ။

"ကမ္ဘာကြီးက ငါ့ကိုတယောတစ်လက်ပေးတော့
ဘိုးတံကို ငါက
နှလုံးသားပေါ်  တင်ထားလိုက်ပြီ"
( ညီမိုးအေး )




မေဇော်
10.12.2015